麥當勞搞生日Party已經是家常便飯，早於2010年佢地亦都推行過結婚週年記念同埋婚前Party等套餐，而當中大家常以講笑咁講o既「麥當勞擺酒」，估唔到真係成真。因為麥當勞堅係推出幾個「擺酒套餐」，價錢仲平貴都有，今次唔止要搵個肯同你去食麥當勞o既女朋友，仲要搵個肯同你去麥當勞擺酒o既老婆先得啦！
由香港麥當勞官網所見，「擺酒」套餐有成四個可以選擇，價錢由最低HK$2,999起至HK$9,999！不過留意，唔同平時大家去搵酒樓咁講緊係一圍圍咁計，麥當勞呢個價係最低消費，即係最平唔洗3,000蚊就可以搞到一場婚宴。
睇睇最低消費個Plan先，都包左唔少野喎，場地租用任玩2小時、HK$1,000內漢堡包任食、仲有埋基本佈置同埋可以招呼20個嘉賓再送佢地麥當勞叔叔公仔一個，再加20張感謝咭！
睇完最平再來睇睇最貴個長長久久Plan，內容其實就差不多，只差在可以招呼人數升至50個，而美食價亦升至HK3,000內任食。當然呢個價無論場地佈置，新人結婚禮物等等都會豐富一啲。
佈置有呢啲，唔少都係以氣球為主：
最後，麥當勞人情價要俾幾多？呢個問題…真係唔識答喎，不如你地話啦！
補充：見到麥當勞有得「擺酒」有創意爆燈嘅朋友就幫手諗左啲菜式，咁就完美啦！
