自從社交網站興起之後，不少人事無大小都鐘意搬上網尋求「被認同」，但事情總是兩極的，所以唔少人最後反而得唔到被認同之外，更加是被討厭。繼早前一單港女嫌廉價Big Day相影得太差之後，而家又有一單用左50蚊畫俏像，結果覺得畫得唔似而上Facebook公開與畫師的資料。
Facebook 「幼兒一手二手用品買賣自由交易站」群組琴日有位港媽發左一個Post，內容大約是講自己用左50蚊俾一名畫師為自己個女畫肖像，結果收到畫之後鬧爆「冇一Part似」。女事主隨後更公開了畫師同佢D對話內容，可以見到畫師有解釋說唔一定很似，或者建議多付30蚊再畫過一張。不過女事主似乎已經好氣憤，冇接受到Offer之餘，更加唔理畫師要求將對話放上Facebook被公開討論。
事件隨即引起左極大的議論，當中有人同情女事主，亦都有人覺得以50蚊呢個價錢來講，其實又唔可以要求得太高。隨後有畫師認為該名港媽有點過了位，認為極不尊重藝術工作者，所以建立了一個叫「俾左50蚊出黎畫一張畫，真係當did左」的Event。估唔到好快就引起左好多插畫師附和及免費贈畫，當中仲有網絡名人，人稱怪叔叔的Cuson。你又點睇呢？ 以下圖片來自該Event截圖：
